विराटनगर । स्पेनिस क्लब रियल मड्रिडले ला लिगाको आफ्नो पहिलो खेलमा मल्लोर्कासँग अंक बाँडेको छ ।
आइतबार राति भएको खेलमा रियलले मल्लोर्कासँग १-१ गोलको बराबरी खेल्दै समान एक-एक अंक बाँडेका हुन् ।
मल्लोर्काको घरेलु मैदानमा भएको खेलमा रियलले सुरुआती अग्रता बनाएको थियो । तर, सुरुआती अग्रता जोगाउन नसक्दा रियल मड्रिड बराबरीमा रोकिएको हो ।
रियलका रोड्रिगोले खेलको १३औं मिनेटमा गोल गर्दै सुरुआती अग्रता दिलाएका थिए । तर, खेलको ५३औं मिनेटमा मल्लोर्काका भेदात मुरुक्कीले गोल गरेपछि खेल बराबरीमा सकिएको हो ।
खेलको इन्ज्युरी समयमा फेर्लान मेन्डीले रातो कार्ड पाएपछि रियल १० खेलाडीमा समेटिएको थियो ।
