विराटनगर । बार्सिलोनाले भ्यालेन्सियामाथि जित हात पार्दै स्पेनिस ला लिगामा विजय सुरुवात गरेको छ ।
शनिबार राति भएको खेलमा अनुभवी स्ट्राइकर रोबर्टो लेवान्डोस्की चम्किँदा बार्सिलोनाले भ्यालेन्सियालाई २–१ गोल अन्तरले हराएको हो ।
बार्सिलोनाका लागि दुबै गोल लेवान्डोस्कीले गरे । खेलको पहिलो हाफमा दबाब बनाएको भ्यालेन्सियाले दोस्रो हाफमा आफ्नो पकड गुमाउन पुग्यो ।
नयाँ प्रशिक्षक हान्सी फ्लिकको नेतृत्व रहेको बार्सिलोना यसपटक लिग उपाधि जित्ने योजनाका साथ अगाडि बढ्ने छ । बार्सिलोनाले गत सिज सुपर कोपाबाहेक अरू उपाधि जित्न सकेको थिएन ।
