क्रिकेटर सन्दीप लामिछाने आइसीसी टी–२० विश्वकप क्रिकेट प्रतियोगिता खेल्न वेस्टइन्डिज प्रस्थान गरेका छन् ।
भिसा नदिएपछि अमेरिका जान नपाएका सन्दीप वेष्टइण्डिजमा हुने दुईवटा खेलका लागि त्यता प्रस्थान गरेका नेपाल क्रिकेट संघ क्यानले जनाएको छ ।
उनी नेपाली टोलीबाट मैदान उत्रिने छन् ।
नेपालले वेस्टइन्डिजमा दक्षिण अफ्रिका र बंगलादेशसँग प्रतिस्पर्धा गर्ने तालिका छ । दुवै खेलमा सन्दीपले सहभागिता जनाउने क्यानका सचिव पारस खड्काले जारी गरेकाे विज्ञप्तीमा उल्लेख छ ।
बलात्कार मुद्दामा उच्च अदालत पाटनले सफाइ दिएसँगै क्यानले सन्दीपलाई विश्वकप खेल्ने आधिकारिक १५ जनाको टोलीमा समावेश गरेकाे छ ।
