विराटनगर । स्पेनिस ला लिगामा बार्सिलोनाले लास पाल्मासमाथि कठिन जित आत्मसात् गरेको छ ।
शनिबार लुइस कम्पनी ओलम्पिक स्टेडियममा भएको खेलमा बार्सिलोनाले पाहुना टोली पाल्मासलाई १-० गोलान्तरले पराजित गरेको हो ।
घरेलु मैदान क्याप नोउमा बार्सिलोनालाई जिताउन राफिन्हाले गरेको गोल नै निर्णायक बन्यो ।
पहिलो हाफ गोलरहित बराबरीमा सकिएको खेलको ५९औँ मिनेटमा जाओ फिलिक्सको पासमा उनले गोल गरेका थिए ।
त्यसअघि खेलको १९औँ मिनेटमा राफिन्हाले गोल गरे पनि भिएआरले मान्यता दिएको थिएन ।
जितसँगै दोस्रो स्थानमा रहेको बार्सिलोनाले शीर्ष स्थानको रियल मड्रियसँगको अंक दुरी कम गरेको छ ।
रियलको २९ खेलबाट ७२ अंक रहेको छ । एक खेल बढी खेलेको बार्सिलोनाको ६७ अंक रहेको छ ।
