विराटनगर । कोशी प्रदेश सरकारले प्रदेश खेलकुद विकास बोर्डको उपाध्यक्षमा विन्दिया कार्कीलाई नियुक्त गरेको छ ।
काेशी प्रदेश मन्त्रिपरिषद्को शुक्रबार बसेकाे बैठकले रिक्त रहेको बोर्डको उपाध्यक्षमा पूर्व-सांसदसमेत रहेकी कार्कीलाई नियुक्त गर्ने निर्णय गरेको प्रदेश स्वास्थ्यमन्त्री प्रदीपकुमार सुनुवारले जानकारी दिए ।
बैठकले सदस्यमा मदन खड्का र गौरीमान राईलाई नियुक्त गर्ने निर्णय गरेको छ ।
उपाध्यक्षमा नियुक्त भएकी कार्की प्रदेशसभाको अघिल्लो कार्यकालमा कांग्रेसबाट समानुपातिक सांसद बनेकी थिइन् ।
यसअघि २०७८ साल चैत २२ गते प्रदेश खेलकुद विकास बोर्डको उपाध्यक्षमा नियुक्त भएकी जिना कार्की लामो समयदेखि अमेरिकामा छिन् ।
उनले नेपाल छाडेपछि मुख्यमन्त्री केदार कार्कीको सिफारिसमा कार्की नियुक्त भएकी हुन् ।
अमेरिका गएपछि उनले तीन महिनाअघि जिम्मेवारीबाट राजीनामा दिएकी थिइन् ।
२४ असोज २०७८ मा बोर्डको गठन भएको थियो ।