विराटनगर । अर्जेन्टिनी फरवार्ड लियोनल मेस्सीले लिगतर्फ पाँच सय गोल पुर्याएका छन् ।
आइतबार बिहान अमेरिकी मेजर सकर लिग (एमएलएस) मा इन्टर मियामीले फराकिलो जित निकाल्दा दुई गोल गरेका मेस्सीले पाँच सय करिअर लिग गोल गरेका हुन् ।
गत सिजनमात्र एमएलएस खेल्न अमेरिका पुगेका ३६ वर्षीय मेस्सीले सो लिगमा चार गोल गरेका छन् ।
उनी गत वर्षको जुलाईमा फ्रान्स छोडेर अमेरिका पुगेका हुन् । त्यसअघि फ्रेन्च लिग वान खेलेका उनले त्यहाँबाट २२ गोल गरेका थिए ।
मेस्सीले क्लब करिअरको अधकांश समय स्पेन बिताएका थिए । स्पेनको ला लिगामा उनले चार सय ७४ गोल गरेका थिए ।
विश्वकप विजेता मेस्सी २०२१ अगस्टमा बार्सिलोना छोड्दै पेरिस सेन्ट जर्मेन (पिएसजी) तिर हानिएका थिए ।
आठ-आठ पटक बालोन डी’ओर र फिफा बेस्ट फुटबलरको अवार्ड जितेका मेस्सीले चार पटक च्याम्पियन्स लिगको उपाधि पनि जितेका छन् ।
विश्वकप २०२२ को ट्रफी जित्न सफल मेस्सीले देशका लागि भने एक सय ८० खेलमा एक सय ६ गोल गरेका छन् ।
मेस्सीले जम्मा ४१ वटा ट्रफीसमेत जितेका छन् ।
