एजेन्सी । रियल मड्रिड स्पेनिस ला लिगाको शीर्ष स्थानमा उक्लिएको छ ।
बिहीबार राति भएको खेलमा गेटाफेलाई उसैको मैदानमा २-० गोलले हराउँदै रियल शीर्ष स्थानमा उक्लिएको हो ।
रियलको जितमा दुवै गोल जोसेलुले गरे । जोसेलुले १४ र ५६ औं मिनेटमा गोल गरे ।
यो जितपछि कार्लो एन्सेलोटीको रियलले जिरोनामाथि दुई अंकको अग्रता बनाएको छ । रियलको २२ खेलबाट ५७ अंक भएको छ ।
जिरोनाको समान खेलबाट ५५ अंक रहेको छ । त्यसपछाडि एटलेटिको म्याड्रिड र बार्सिलोना समान ४७ अंकमा छन् ।
हारले गटाफे भने १० औं स्थानमा रह्यो । उसको २९ अंक छ ।
