कोसी प्रदेशमा दलका नेता र सचेतकलाई सुविधा थप्न अध्यादेश !

शब्द एक्स्प्रेस संवाददाता
आईतबार १४ माघ, २०८०
३ हप्ताअघि

विराटनगर । कोसी प्रदेश सरकारले प्रदेशसभाका पदाधिकारी तथा सदस्यहरूको सेवासम्बन्धी ऐन २०७५ संशोधन गरेको छ ।

नेपाली कांग्रेसका नेता केदार कार्की नेतृत्वको सरकारले सत्तागठबन्धनका नेता रिझाउनका  लागि कोसी प्रदेशसभाका थप पदाधिकारीलाई सेवा-सुविधा थप्नेगरी अध्यादेश जारी गरेको हो ।

सरकारले प्रदेशसभामा रहेका पूर्वमुख्यमन्त्री तथा सत्ता पक्षकै दलका नेताहरू, प्रमुख प्रतिपक्षी दल तथा प्रतिपक्षी दलका नेताहरुलाई गाडी तथा सेवा सुविधा थप गर्ने गरी ऐन संशोधन गरेको हो ।

यसअघिको ऐनमा सभामुख, उपसभामुख, प्रमुख प्रतिपक्षी दलको नेता, सत्ता पक्षको प्रमुख सचेतक, प्रमुख प्रतिपक्षी दलको प्रमुख सचेतक, प्रतिपक्षी दलको नेता, सत्ता पक्ष दलको सचेतक र प्रदेशसभा समितिका सभापतिलाई सेवा सुविधा दिने विषय उल्लेख थियो ।

तर, प्रदेश सरकारले गत माघ ६ गते जारी गरेको अध्यादेशले सरकारमा रहेका संसदीय दलका नेतालाई पनि सेवा सुविधा दिने थपिएको छ ।

अध्यादेशबाट ऐन संशोधन भएपछि अब एक जनामात्र सांसद रहेको जसपाकी निर्मला तावा लिम्बूको पनि सुविधा थपिएको छ ।

यो अध्यादेश लागू भएर अनुसूचि परिवर्तन भए सत्ता पक्षका संसदीय दलका नेता तथा पूर्वमुख्यमन्त्री राजेन्द्रकुमार राई, कांग्रेस दलका नेता तथा पूर्वमुख्यमन्त्री उद्धव थापा, माओवादी केन्द्रका दलका नेता ईन्द्रबहादुर आङ्बो र प्रतिपक्षी दल राप्रपा संसदीय दलका नेता भक्तिप्रसाद सिटौलाले थप सेवा-सुविधा पाउने छन् ।

संसदीय दलको नेताको हैसियतमा उनीहरूले अब मासिक ५० हजार रुपैयाँ पारिश्रमिक पाउनेछन् । यस्तै उनीहरूले सवारी साधनका लागि मासिक १२५ लिटर तेल पाउनेछन् भने एक जना सवारी चालकसमेत उपलब्ध गराइने छ ।

प्रदेशसभाका सचिव गोपाल प्रसाद पराजुलीले पदाधिकारीको सुविधा दिनलाई सरकारले अनुसूचि परिवर्तन गर्नुपर्ने बताए ।

उनले सुविधा दिने प्रयोजनका लागि आएको भन्ने नबुझिएको जानकारी दिए ।

यसअघि ऐनले पदाधिकारी भन्नाले सभामुख, उपसभामुख, सत्ता पक्ष र प्रतिपक्षी दलको नेता, उपनेता, प्रमुख सचेतक, सचेतक र संसदीय समितिका सभापतिलाई परिभाषित गरेको थियो ।

सोही परिभाषाअनुसारका पदाधिकारीहरूलाई मात्रै गाडी सुविधा उपलब्ध गराइँदै आएको थियो ।

अघिल्लो ऐन बनाउन नेकपा र प्रतिपक्षमा कांग्रेस मात्रैलाई केन्द्रित गरी ऐन बनाइएको थियो । त्यसबेला दलको नेता नै मुख्यमन्त्री बन्ने परिस्थिति थियो ।

तर, अहिले दलको नेता अर्कै र मुख्यमन्त्री अर्कै भएका छन् । त्यसबेला प्रमुख प्रतिपक्षी दलको नेता मात्रै भनिएको थियो ।

अझ, अहिले अन्य प्रतिपक्षी दलका नेताहरू (राप्रपा र जसपा)ले पनि माग्न सक्ने देखाउँदै ऐनमा उल्लेख गरिएको हो ।

हाल, सुरक्षा चुनौती भन्दै ऐनमै उल्लेख नभएको गाडी सुविधा माओवादी दलका नेता आङ्बो र एमाले दलका उपनेता राम रानालाई संसद सचिवालयले गाडी सुविधा दिएको छ ।

उक्त सुविधा मन्त्रिपरिषदबाट निर्णय गरेर दिइएको हो । संसद सचिवालयले गाडी फिर्ता गर्न पत्राचार गरिसकेको जनाएको छ ।

कोसीमा अहिलेसम्म ६ जना मुख्यमन्त्री बनिसकेका छन् । प्रदेशसभाको पहिलो कार्यकालमा नेकपा एमालेका शेरधन राई, भीम आचार्य र नेकपा एकीकृत समाजवादीका राजेन्द्र राई मुख्यमन्त्री थिए ।

दोस्रो कार्यकालको एक वर्षमै एमालेका हिक्मतकुमार कार्की, कांग्रेसका उद्धव थापा र हालका केदार कार्कीसमेत तीन जना भइसकेका छन् ।

पूर्वमुख्यमन्त्रीको हैसियतमा रहेका शेरधन राई र भीम आचार्यले यो सुविधा पाउने छैनन् ।

अध्यादेशबाट गठबन्धन दलका थप तीन जनाले सुविधा पाउने भएका छन् ।

यसअघिको ऐनअनुसार सुविधा पाउनबाट बञ्चित कांग्रेस संसदीय दलका नेतासमेत रहेका पूर्वमुख्यमन्त्री थापा, नेकपा एस संसदीय दलका नेता राई र जसपाकी एक्ली सांसद लिम्बुलाई सुविधाको बाटो खुलेको छ ।

संसदीय दलको नेताको हैसियतमा उनीहरूले थप नगद, अब गाडीसँगै एक सय २५ लिटर तेल पाउनेछन् भने एकजना सवारी चालकसमेत उपलब्ध गराइने छ ।

प्रमुख सचेतक र सचेतकलाई पनि नयाँ व्यवस्थाअनुसार एकमुष्ट थप ५० हजार दिइनेछ ।

यता, अध्यादेशबाट ल्याइएको ऐनका विषयमा प्रमुख प्रतिपक्षी एमालेले असन्तुष्टि जनाएको छ ।

संसद् अन्त्य गरेर कुनै कानुन नबनाई अध्यादेशबाट सेवा-सुविधाका लागि ऐन संशोधन गर्नु लाजमर्दो कुरा भएको एमालेका प्रमुख सचेतक रेवतीरमण भण्डारीले बताए ।

यसैगरी, पूर्वमुख्यमन्त्री तथा एमाले संसदीय दलका नेता हिक्मतकुमार कार्कीले नेताका सेवा सुविधाका लागि कानून नबनाई अध्यादेशबाट ऐन संशोधन गर्नु लाजमर्दो भएको बताए ।

प्रकाशित समय: आईतबार १४ माघ, २०८०, २०:१६:१९

सम्बन्धित खबर

महासमिति बैठकमा हिन्दू राष्ट्रका पक्षमा निर्णय लिन भन्दै पराजुलीले बुझाए हस्ताक्षर

शुक्रबार ४ फाल्गुण, २०८०
४ दिनअघि

व्यवसायी डुब्दा भने सरकार चल्न सक्दैन : मुख्यमन्त्री कार्की

सोमबार २९ माघ, २०८०
१ हप्ताअघि

युवा नवउद्यमीलाई पुरस्कृत गर्दै प्रदेश सरकार, यसरी दिन सकिन्छ आवेदन (तरिकासहित)

शुक्रबार २६ माघ, २०८०
२ हप्ताअघि

उदयपुरले एकै दिन पायो दुई मन्त्री

शुक्रबार २६ माघ, २०८०
२ हप्ताअघि

कोशीका नवनियुक्त चार मन्त्री र दुई राज्यमन्त्रीले लिए शपथ

शुक्रबार २६ माघ, २०८०
२ हप्ताअघि

पहिचानवादी र सरकारबीच पाँचबुदे सहमति, मुख्यमन्त्रीले बुझे सहमतिपत्र

शुक्रबार २६ माघ, २०८०
२ हप्ताअघि
नेपाल र सिरिया
सिरियामाथि नेपालको सहज जित
मङ्गलबार ८ फाल्गुण, २०८०
कप्तान सन्दीप र बसिरको अर्धशतकमा क्यानडाविरुद्ध नेपाल ‘ए’को रोमाञ्चक जित
मङ्गलबार ८ फाल्गुण, २०८०
मनकामना र नेपाल गुरुकुल स्कुल क्वार्टरफाइनलमा
मङ्गलबार ८ फाल्गुण, २०८०
‘डम्पिङ साइट’ हटाएर फुटसल, विराटनगरका शुभाशीषले गरे झन्डै डेढ करोड लगानी !
मङ्गलबार ८ फाल्गुण, २०८०
नेपालले भारतमा त्रिकोणात्मक सिरिज खेल्ने
मङ्गलबार ८ फाल्गुण, २०८०
केएल दुगड उद्योगले तौल घटाएर चामल र चिउरा बिक्री गर्दै
मङ्गलबार ८ फाल्गुण, २०८०
ग्रामथानमा खेलकुद : दौडमा सञ्जु र सुबिना प्रथम बन्दा, हाजिरी जवाफमा सरस्वती मावि पहिलो
सोमबार ७ फाल्गुण, २०८०
पर्यटकीय क्षेत्र सन्दकपुरमा रेडपाण्डा पार्क सञ्चालन गर्ने मन्त्री उप्रेतीको प्रतिबद्धता
सोमबार ७ फाल्गुण, २०८०
प्रेस स्वतन्त्रता सेनानीसहित क्रियाशील पत्रकारहरू सम्मानित 
सोमबार ७ फाल्गुण, २०८०
यस्तो बन्यो दयाहाङ र आँचल अभिनित ‘डिग्री माइला’को टिजर (भिडिओसहित)
सोमबार ७ फाल्गुण, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
विराटनगरका दुई युवती, जो लागुऔषधसहित समातिए
मङ्गलबार १६ माघ, २०८०
इटहरीमा हात्तीले मोटरसाइकल लछारपछार पार्दा एक जना घाइते
बिहिबार १८ माघ, २०८०
भोजपुरका किसानले फलाए रङबिरङ काउली
आईतबार १४ माघ, २०८०
कानेपोखरीमा दुई भयानक दुर्घटना : एक जनाको मृत्यु, आमा-छोरा घाइते
आईतबार २१ माघ, २०८०
एक लाख धरौटीमा रिहा भए डा. तपेश्वरलाल कर्ण
बिहिबार ४ माघ, २०८०