स्याङ्जा । युक्रेन-रुसको युद्धमा परी थप एक नेपालीको मृत्यु भएको छ ।
पछिल्लोपटक मृत्यु हुनेमा स्याङ्जाको वालिङ नगरपालिका-१४ मान्खु घर भएका २३ वर्षीय हरिप्रसाद अर्याल रहेका छन् ।
परराष्ट्र मन्त्रालयका अनुसार नेपाली सेनामा भर्ती भएका अर्याल तीन वर्षमा नै जागिर छोडेर दुबई हुँदै रुस पुगेका थिए ।
गत कार्त्तिक ३ गते दुबईबाट रुस गएको परिवारले जनाएको छ । केही समय दुबई बसेर अर्याल रुस जानु भएको हो ।
परराष्ट्र मन्त्रालयको काउन्सिलर विभागबाट वडा कार्यालयलाई खबर गरेपछि वडा कार्यालयले परिवारलाई हरिको मृत्यु भएको सूचना दिएको वालिङ नगरपालिका १४ का वडा अध्यक्ष बोधराज कुँवर (राजु) ले जानकारी दिए ।
डिसेम्बर ३ मा घटनामा भएको तर डिसेम्बर २८ मा मात्रै खबर आएको जानकारी परराष्ट्र मन्त्रालयले गराएको वडाध्यक्ष कुँवरले जानकारी दिए ।
उनले आफूलाई मङ्गलाबार दिउँसो विभागबाट फोन आएको जानकारी दिए ।
रुसी सेनामा भर्ती भएपछि अर्याल निरन्तर परिवारको सम्पर्कमा रहेका थिए । घटना हुनुभन्दा एक दिन अगाडिसम्म सम्पर्कमा रहेको परिवारले जनाएको छ।
अर्यालले सामाजिक सञ्जाल फेसबुकमा सेनामा भर्तीभएका र साथीसँगै हिँडेका भिडियो र तस्बिर राखेको देखिन्छ ।
यससँगै अवैध रूपमा रुसी सेनामा गएका सात जना नेपाली युवाले ज्यान गुमाएका छन् ।
यसअघि गोरखाका सन्दीप थपलिया, कपिलबस्तुको वाणगंगा–१ का रूपक कार्की, पोखराका देवान राई, स्याङ्जा पुतलीबजार–५ का पितम कार्की, दोलखाको मेलङ–६ का राजकुमार रोका, इलामका गंगाराज मोक्तान र कुन्दनसिंह नागलको मृत्यु भएको थियो ।
उदयपुरका हरिबहादुर, जसले रुसी सेनामा नेपाली पठाउँदा सर्वस्व गुमाए !
रुसी सेनामा भर्ती भएका लेटाङका राईसहित चार नेपाली युक्रेनमा बन्धक
