मन्त्री उप्रेतीले सुझाए हात्ती प्रकोप रोक्ने उपाय

शब्द एक्स्प्रेस संवाददाता
मङ्गलबार १७ पुस, २०८०
३ महिनाअघि

विराटनगर । कोशी प्रदेशका पर्यटन वन तथा वातावरण मन्त्री गणेश उप्रेती ‘सुशील’ ले प्रदेशमा भइरहेको हात्ती प्रकोप रोक्न सरकार प्रतिबद्ध रहेको बताएका छन् ।

मंगलबार प्रदेशसभामा शून्य तथा विशेष समयमा मन्त्रालयसँग सम्बन्धित रहेर सांसदहरूले उठाएका प्रश्नको जवाफ दिँदै मन्त्री उप्रेतीले हात्तीले निम्त्याएको प्रकोपका विषयमा सरकार गम्भीर भएको बताएका हुन् ।

झापा, मोरङ र सुनसरी गरी कोशी प्रदेशका तीन जिल्लामा हात्ती र मानवबीच द्वन्द्व चर्किएको छ । हात्तीकै विषयमा मंगलबार प्रदेशसभाभित्र सांसदहरूले केन्द्रित भई सवाल उठाएका थिए ।

जसको जबाफ दिनेक्रममा मन्त्री उप्रेती हात्ती प्रकोप रोक्न अल्पकालीन र दीर्घकालीन गरी दुई उपाय सुझाए । ‘हामीले बजेटमै हात्ती करिडोर बनाउने भनेर व्यवस्था गरेका थियौं, त्यो काम सरकारले अगाडि बढाएको छ,’ उनले भने, ‘हात्तीको प्रकोप वन विनाससँग जोडिएको छ । यो विषयमा मुख्यमन्त्रीज्युले यसअघि सदनमै बताइसक्नुभएको छ ।’

‘अहिले हामीले जुन ढंगले वन विनास गरिरहेका छौं, त्यसले पनि वन्यजन्तु मानवबस्ती पुगेर बासस्थान तय गर्नुपर्ने बाध्यतामा छन्,’ उनले थपे, ‘यसले वन्यजन्तु र मानवबीच हिंसा उत्पन्न हुने परिस्थिति बनेको छ ।’

सरकारले तत्कालै हात्ती करिडोर क्षेत्र बनाउने र वन्यजन्तुमैत्री जंगल व्यवस्थापन प्रक्रियाबाट अगाडि बढाउने बताउँदै मन्त्री उप्रेतीले त्यसको स्थायी समाधान हुने औंल्याए ।

उनले हात्ती करिडोर क्षेत्र बनाउन सबैको सहकार्य आवश्यक हुने बताए ।

वन्यजन्युमैत्री वन(जंगल व्यवस्थापनमात्रै हात्ती प्रकोपको दीगो समाधान हुने उनले बताए ।

हात्ती प्रकोपको अल्पकालीन समाधानका लागि वन मन्त्रालयअन्तर्गतका डिभिजन कार्यालयहरूले सम्बन्धित ठाउँमा सुरक्षा संयन्त्र परिचालन गर्नेदेखि लिएर सचेतनाका कार्यक्रमहरू भएको मन्त्री उप्रेतीको भनाइ छ ।

साथै उनले हात्ती भारतीय र नेपाली नहुने पनि उल्लेख गरे । ‘हात्तीको कुनै नागरिकता हुँदैन,’ उनले भने, ‘हिजो भर्खरै हात्ती मारिएछ, गोली हानेको आशंका छ । त्यसरी हात्ती मार्न पाइँदैन ।’

हात्तीको आक्रमणमा परी मृत्यु भएकाको परिवारलाई राहत र क्षतिपूर्तिस्वरूप किरिया खर्चबापत ५० हजार दिइएको र क्षतिपूर्तिका लागि पहल थालिएको उनले बताए ।

बाली र घरको क्षतिका विषयलाई लिएर अहिलेसम्म कुनै निवेदन नपरेको उल्लेख गर्दै मन्त्री उप्रेतीले त्यस्ता निवेदन आएमा क्षतिपूर्ति उपलब्ध गराइने पनि उल्लेख गरे ।

मन्त्री उप्रेतीले प्रदेश नामकरणको विषयम उठेका जिज्ञासाहरूलाई प्रष्ट्याउँदै सोमबार पहिचान पक्षधरहरूसँग मुख्यमन्त्री केदार कार्कीले वार्ताका लागि पहल गरेको जनाए ।

उनले पछिल्लो समय बहुवर्षीय योजनाहरू अलपत्र पर्ने गरेको बताउँदै प्रदेश सरकारले सबै बहुवर्षीय योजनाहरूको अनुगमन गरी सम्बन्धित कार्यालयहरूमा काम अगाडि बढाउन पहल गरिसकेको बताए ।

प्रकाशित समय: मङ्गलबार १७ पुस, २०८०, १६:४६:२८

सम्बन्धित खबर

संसदको गति अवरोध चाँडै अन्त्य हुन्छ : प्रधानमन्त्री प्रचण्ड

बिहिबार २९ चैत, २०८०
५ दिनअघि

अफ्ठेरो परिस्थितिबाट देशलाई निकाल्न एमाले–कांग्रेस एक हुनुपर्छ : डा. शेखर कोइराला

बिहिबार २२ चैत, २०८०
२ हप्ताअघि

ओलीको दाबी : उपनिर्वाचनमा एमालेले हार्दै-हार्दैन

शनिवार १७ चैत, २०८०
२ हप्ताअघि

महिला, बालबालिका मन्त्री चौधरी र फिनल्यान्डका राजदूत हेक्काबीच भेट

बिहिबार १५ चैत, २०८०
३ हप्ताअघि

कोशी प्रदेश : अब महिनाको एक पटक धनकुटामा मन्त्रिपरिषद् बैठक बस्ने

मङ्गलबार १३ चैत, २०८०
३ हप्ताअघि

पूर्व-सांसदको रहर : नियुक्त भइन् खेलकुद विकास बोर्डको उपाध्यक्ष

शुक्रबार ९ चैत, २०८०
४ हप्ताअघि
उर्लाबारीमा पैदलयात्रीलाई ठक्कर दिएपछि अनियन्त्रित बनेको मोटरसाइकल ट्यांकरसँग जुध्यो, एक जनाको मृत्यु
मङ्गलबार ४ ब‌ैशाख, २०८१
अन्तरप्रदेश खेलकुद : १६ स्वर्णसहित तेस्रो बन्यो कोशी प्रदेश
सोमबार ३ ब‌ैशाख, २०८१
बर्जुका अग्निपीडितले पाए क्षतिपूर्ति, राज्यमन्त्री गुरुङले गरिन् हस्तान्तरण
सोमबार ३ ब‌ैशाख, २०८१
भोजपुरमा एकाबिहानै लुटपाट : हतियारसहित पक्राउ परे वैद्यका कार्यकर्ता
सोमबार ३ ब‌ैशाख, २०८१
निखिलको निर्णायक गोलमा कोशीले जित्यो स्वर्ण, बागमती उपविजेतामा सीमित
आईतबार २ ब‌ैशाख, २०८१
सलमान खानको घरबाहिर चल्यो गोली
आईतबार २ ब‌ैशाख, २०८१
इंग्ल्यान्ड ‘सी’ सँग खेल्ने नेपाली टोलीको घोषणा
आईतबार २ ब‌ैशाख, २०८१
Initial squad for England C team friendly announced
आईतबार २ ब‌ैशाख, २०८१
विराटनगरमा एक्कासि बाटो काट्दै गरेकी पाँच वर्षीय बालिकालाई सिटीले ठक्कर दियो
आईतबार २ ब‌ैशाख, २०८१
तीव्र गतिको मोटरसाइकल नालीमा खस्यो, बराहक्षेत्रका माझीको घटनास्थलमै मृत्यु
आईतबार २ ब‌ैशाख, २०८१
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
बुबाको मृत्युपछि आमाको गर्जो धान्दै थिइन् सम्झना, सडक दुर्घटनामा गयो उनकै ज्यान
बिहिबार १७ फाल्गुण, २०८०