एजेन्सी । लिभरपुल इङ्ग्लिस प्रिमियर लिग फुटबलको शीर्ष स्थानमा उक्लिएको छ ।
मङ्गलबार बर्नलीलाई उसैको मैदानमा २–० गोल अन्तरले हराउँदै लिभरपुल शीर्ष स्थानमा उक्लिएको हो ।
लिभरपुलको जितमा डार्बिन नुनेज र डियागो जोटाले समान एक एक गोल गरेका थिए ।
खेलमा अग्रता लिभरपुलले छैटौं मिनेटमा नुनेजको गोलमा लिएको थियो ।
कोडे गाक्पोको पासमा नुनेजले लिभरपुललाई अघि बढाएका थिए ।
जोटाले खेलको अन्तिम मिनेटमा गोल गर्दै लिभरपुलको जित सुनिश्चित गरे ।
डियाजको पासलाई सदुपयोग गर्दै जोटाले गोल गरेका थिए ।
जित सहित शीर्ष स्थानको लिभरपुलको ४२ अङ्क भएको छ ।
एक खेल कम खेलेको आर्सनल ४० अङ्कसहित दोस्रो स्थानमा छ ।
बर्नली ११ अङ्कसहित पुछारदेखि दोस्रोमा छ ।
