तनहुँ । नेपाली काङ्ग्रेसका महामन्त्री गगनकुमार थापाले सबै उच्चपदस्थ नेता तथा कर्मचारीको सम्पत्ति छानबिन हुनुपर्ने बताएका छन् ।
सोमबार तनहुँमा आयोजित एक कार्यक्रमलाई सम्बोधन गर्दै महामन्त्री थापाले २०४८ साल पछिका सबै उच्चपदस्थ नेता तथा कर्मचारीहरू सम्पत्ति छानबिन गर्नुपर्ने बताएका हुन् ।
देशमा भ्रष्ट्राचार न्युनीकरण गर्न तथा सुशासन कायम गर्न सरकारले कानुन नै बनाएर सबैको सम्पत्ति छानबिन गर्नुपर्ने महामन्त्री थापाको सुझाव छ ।
यस्तै थापाले दलहरूबीच चुनावअघि नै गठबन्धन हुँदा कार्यकर्ताहरूको आस्थामा चोट पुगेको पाइएकोले यसलाई अन्त्य गर्नु पर्ने बताए ।
सबै पाटीहरूबीच सहमति गरेर निर्वाचन आयोगसमक्ष कुनै पनि दलले गठबन्धन गर्न नपाउने कानुनको व्यवस्था गर्न लगाउन सक्ने उनले बताए ।
सङ्घ, प्रदेश तथा स्थानीय तीनवटै तहको चुनावमा कुनै पनि दलले गठबन्धन गर्न नपाउने गरी कानुनी प्रावधान राख्नु उपयुक्त हुने उनको भनाइ छ ।
