ब्राजिलियन मिडफिल्डर कासिमिरो म्यानचेस्टर युनाइटेडमा अनुबन्धित भएका छन् ।
उनलाई युनाइटेडले रियल मड्रिडबाट ७० मिलियन युरोमा क्लबमा अनुबन्धित गरेको हो ।
यस वर्षको बालोन डी’ओरका लागि मनोनयनमा परेका ३० खेलाडीको रहेका उनलाई युनाइटेडले चार वर्षका लागि भित्र्याएको हो । कासिमिरो सन् २०२७ सम्म युनाइटेडमा रहने सम्झौता गरिएको छ ।
रियल छाड्ने औपचारिक घोषणा कासिमिरोले नगरे पनि क्लबका प्रशिक्षक कार्लाे एन्सोलेटीले उनले क्लबबाट बिदा मागेको पुष्टि गरेका छन् ।
३० वर्षीय कासिमिरोको विषयमा युनाइटेडले हालसम्म आधिकारिक केही बताएको छैन ।
सन् २०१३ मा ब्राजिली क्लब साओ पाउलोबाट रियलमा रहेका कासिमिरोले १० वर्षपछि रियल छाड्न लागेका हुन् ।
रियलमा उनले पाँच च्याम्पियन्स लिग, तीन ला लिगा, तीन युइएफए सुपर कप, तीन स्पेनिस सुपर कोपा र तीन फिफा क्लब विश्वकप जितेका छन् ।
रियलबाट उनले ८ सिजन खेल्दा तीन सय ३६ खेल खेल्दै ३१ गोल गरेका छन् ।
२०११ देखि ब्राजिलको टोलीमा रहेका क्यासमिरोले राष्ट्रिय टोलीबाट कोपा अमेरिका २०१९ जितेका छन् ।
