हलिउडका प्रतिष्ठित ओस्कर विजेता अभिनेताहरू स्वस्थ र लामो जीवन बाच्ने अध्ययनले देखाएको छ ।
क्यानडाको टोरन्टो विश्वविद्यालयका अनुसन्धानकर्ताहरूले गरेको एक अनुसन्धानमा ओस्कर जित्ने अभिनेता औसत ८१.३ वर्ष बाँच्ने दाबी गरेका छन् भने ओस्कारमा हार्नेहरू ७६.४ वर्ष मात्र बाँच्छन् ।
अध्ययना लागि वैज्ञानिकहरूले एउटा मोडेल तयार गरेका थिए । जसमा सन् १९२९ देखि २०२० सम्मको ओस्कार अवार्डका लागि मनोनयन नगरिएका दुई हजार एक सय ११ कलाकारलाई समावेश गरिएको थियो । जसमध्ये १ जुलाई २०२० सम्म एक हजार एक सय २२ कलाकारको मृत्यु भएको थियो ।
अन्वेषकहरूका अनुसार जीवित रहेका ओस्कर विजेता कलाकार औसतमा ८१.३ वर्षको उमेरसम्म बाँच्नेछन् । तर उनीहरूसँग मनोनयन नगरिएका कलाकारहरू औसत ७६.२ वर्षको लागि मृत्यु हुनेछ । साथै, अवार्डको लागि मनोनीत भएका तर, जित्न नसक्ने कलाकार औसत ७६.४ वर्ष मात्र बाँच्नेछन् ।
वैज्ञानिकहरूका अनुसार कडा परिश्रम गरेर पुरस्कार जित्दा ओस्कार जितेका अभिनेताहरूको व्यवहार, मनोवैज्ञानिक र अन्य स्वास्थ्य कारकहरूमा सकारात्मक प्रभाव पर्छ । जसकारण उनीहरू स्वस्थ र दीर्घायु जीवन बिताउने अध्ययनले देखाएको छ । कम उमेरमा धेरै ओस्कार अवार्ड जितेका कारण आज कलाकारहरुको आयु बढेको अनुसन्धानकर्ताहरुले बताएका छन् ।
ओस्कार विजेता कलाकारहरू किन लामो समय बाँच्छन् भन्ने विषयमा वर्षौंदेखि बहस भइरहेको छ । यस विषयमा पहिला पनि २००५ मा अनुसन्धान भएको थियो । त्यतिबेला पनि वैज्ञानिकहरूले ओस्कार विजेता अवार्ड नजित्ने कलाकार भन्दा पाँच वर्ष बढी बाँच्ने गरेको पाइएको थियो ।
