शरीरमा ग्लुकोजकाे मात्रा बढेमा मानिसलाई मधुमेह (डायबिटिज)को समस्या निम्तिन्छ ।
यसले शरीरमा विभिन्न समस्या हुन थाल्छ । जसकारण मधुमेहको समस्या हुनेहरूले रगतमा चिनीको मात्रा नियन्त्रण गर्न आवश्यक हुन्छ । मधुमेहको समस्या भएका मानिसमा सुरुवाती चरणमा लक्षण देखिदैन । जसकारण धेरै मानिसहरूलाई मधुमेहले गम्भीर समस्या ननिम्त्याए सम्म मधुमेह भएको थाहा समेत पाउँदैनन् ।
खुट्टाबाट पनि मधुमेह भएको थाहा हुन्छ । खुट्टामा देखिने केही लक्षणहरूले मधुमेह भएको सङ्केत गर्न सक्ने हुँदा खुट्टाको स्वास्थ्यमा ध्यान दिन जरुरी हुन्छ । खुट्टा रातो हुने, खुट्टा तातो हुनु, खुट्टा झमझम गर्नु वा खुट्टा सुन्निने समस्या, लामो समयसम्म अनियन्त्रित रगतमा चिनीको मात्रा बढेको सङ्केत हुन सक्छ ।
मधुमेह भएका व्यक्तिहरूले खुट्टामा भएको घाउ, रातो दाग, सुन्निने वा फोका छ कि छैन तथा खुट्टाको नङमा पनि ध्यान दिनु पर्छ । खुट्टामा यस्तो समस्या देखिनु रगतमा चिनीको मात्रा बढेको वा मधुमेहको लक्षण हो । साथै, यो सबै सङ्क्रमणको कारण बन्न सक्छन् । दैनिक खुट्टाको जाँच गराउनु पर्छ र खुट्टा फरक वा खुट्टामा कुनै परिवर्तन देखिएमा तुरुन्त डाक्टरसँग परामर्श लिनु जरुरी हुन्छ ।
पटक-पटक पिसाब लाग्नु, थकान, मुख सुक्खा हुनु पनि मधुमेहका सामान्य लक्षण हुन् ।
