मन्कीपक्स एक भाइरल संक्रमण हो जुन सामान्यतया पश्चिम अफ्रिकाको यात्रासँग सम्बन्धित छ ।
यो सामान्यतया एक हल्का रोग हो, जो कोही मानिस सँग धेरै नजिकको सम्पर्क द्वारा फैलिन्छ, यद्यपि यो मानिसहरु माझ सजिलै सँग सर्दैन ।
यसका लक्षण
मन्कीपक्स हुँदा पहिलो लक्षणहरू उच्च तापक्रम, टाउको दुख्ने, मांसपेशी दुख्ने, ढाड दुख्ने, ग्रन्थीहरू सुन्निने, काँप्नु (चिसो हुनु) र थकान महशुस हुने गर्छ ।
दागहरू (rashes) अक्सर अनुहारबाट सुरु हुन्छ, त्यसपछि शरीरका अन्य भागहरूमा फैलिन सक्छ । दागहरू परिवर्तन हुन्छ अनि चिकेन पक्स जस्तै देखिन्छ । त्यसपछि अन्त्यमा घाउको पाप्रा जस्तो भएर आफैं झर्छ ।
यो कसरी फैलिन्छ ?
मन्कीपक्स संक्रमित व्यक्ति वा जनावरसँग नजिकको सम्पर्कबाट फैलिन्छ ।
मङ्कीपक्स रातो दाना/डाबर (रासेस) भएको व्यक्तिले प्रयोग गरेको लुगा वा ओछ्यान प्रयोग गर्दा पनि फैलिन सक्छ ।
यदि तपाइँ मन्कीपक्सबाट संक्रमित हुनुभयो भने, पहिलो लक्षणहरू देखा पर्न सामान्यतया ५ देखि २१ दिन लाग्छ ।
यसको उपचार
संक्रमित व्यक्तिले सम्भव भएमा दाग/घाउ सुकाउन दिनु पर्छ वा जोगाउन ड्रेसिङ गर्नुपर्छ ।
दाग/घाउलाई हातको छुवाइबाट जोगाउनु पर्छ ।
