चैत २५ गतेदेखि वैशाख १८ गतेसम्म देशैभरका १५ महिनादेखि १५ वर्षसम्मका बालबालिकालाई टाइफाइडविरुद्धको खोप लगाइने भएको छ ।
स्वास्थ्य तथा जनङ्ख्या मन्त्तालयले जनाएअनुसार १५ महिना पुगेका सबै बालबालिकालाई एक डोज टाइफाइडविरुद्धको खोप प्रदान गरिने भएको हो ।
यस अभियानपछि नियमित खोप कार्यक्रममा टाइफाइड खोप पनि समावेश गरिने मन्त्रालयले जनाएको छ । टाइफाइड रोगको जीवाणु ढल वा सङ्क्रमित व्यक्तिको दिसामा पाइन्छ ।
मन्त्रालयका अनुसार ढल वा सङ्क्रमित व्यक्तिको दिसामा पाइने टाइफाइड रोगको जीवाणु स्वस्थ व्यक्तिमा दूषित खाना वा पानीको माध्यमबाट सर्ने गर्छ ।
टाइफाइडबाट बच्नका लागि व्यक्तिगत सरसफाइ तथा वातावरण स्वच्छ राख्नु एकदम महत्त्वपूर्ण हुन्छ ।रोगबाट जोगिन सरसफाइसम्बन्धी ध्यान दिनुपर्ने कुराहरू :
– राम्ररी पकाएको र सधैँ छोपेर राखेको खाना मात्र खाने
– बासी, सडेगलेको र झिँगा भन्केको खाना कहिल्यै नखाने
– पानीलाई उमालेर, फिल्टर गरेर वा क्लोरिन ट्याबलेट प्रयोग गरी सफा र सुरक्षित पानी पिउने
– सफा शौचालयको प्रयोग गर्ने र बच्चाको दिसा शौचालयमा फाल्ने
– बेलाबेलामा साबुनपानीले मिचीमिची हात धुने
