श्रवण शक्ति कम हुने समस्या धेरैमा देखिने साझा स्वास्थ्य समस्या हो ।
श्रवण शक्तिमा समस्या भएका मानिसमा सुन्ने शक्ति कमजोर हुँदैछ या भईसकेको हुनसक्छ । यस्ता छन् श्रवण शक्ति कम हुदा देखिने लक्षणहरूः
– अरूको कुरा नबुझेर बारम्बार कुरा दोहोर्याउन अनुरोध गर्नु
– टेलिफोनमा कुरा गर्न गाह्रो हुनु
– चराचुरुङ्गीको आवाज नसुन्नु,
– कान कराउनु
– बोलेको सुन्नु तर नबुझ्नु
– अरूसँग कुरा गर्दा ठूलो स्वरले कुरा गर्नु
– धेरै हल्ला भएको ठाउँमा कुरा गर्न गाह्रो हुनु
– रेडियो सुन्दा, टेलिभिजन हेर्दा चर्को आवाज बनाउनु ।
श्रवण शक्ति कम हुन नदिन विभिन्न उपायहरू अपनाउन सकिन्छ । यस्ता छन् श्रवण शक्ति कम हुन नदिने उपायहरूः
– चर्को ध्वनि भएको क्षेत्रमा काम गर्दा कपास वा ‘इयर प्लग’ को प्रयोग गर्ने
– मोबाइल फोन धेरै र लामो समयसम्म प्रयोग नगर्ने
– हेडफोनबाट गीत सुन्दा चर्को आवाजमा नसुन्ने
– जथाभावी सवारीसाधनको हर्न नबजाउने
– ठूलो आवाज भएको ठाउँमा लामो समयसम्म नबस्ने
- नियमित व्यायम गर्ने
– क्लब, पार्टी प्यालेस, डान्स बारमा चर्को ध्वनिलाई व्यवस्थित गर्नुपर्ने
श्रवण शक्तिमा कमी आएको महसुस भएमा समयमै परीक्षण तथा उपचार गराउँनु पर्छ ।
