बजारमा गर्भ बस्न नदिनका लागि महिलाहरूले खाने गर्भनिरोधका लागि चक्की पाइन्छ ।
अब भने गर्भ बस्नबाट रोक्नका लागि पुरुषहरूले खान मिल्ने गर्भनिरोधक चक्की पाइने भएको छ । मिनेसोटा विश्वविद्यालयका वैज्ञानिकहरूले पुरुषका लागि गर्भनिरोधक चक्की पत्ता लगाएका हुन् ।
सो चक्की गर्भ रोक्नका लागि ९९ प्रतिशत प्रभावकारी हुने बताइएको छ । गर्भ बस्नबाट रोक्न सक्ने वाइसिटी ५२९ नामक नन हर्मोनल ड्रग वैज्ञानिकहरूले मुसामा परीक्षण गराइसकेका छन् ।
औषधिको सेवन पछि कुनै पनि प्रकारको साइड इफेक्ट नदेखिएको बताइएको छ । परिक्षणका क्रममा मुसालाई लगभग चार हप्तासम्म सो औषधि खान दिइएको थियो ।
चार हप्तापछि मुसालाई औषधि दिन बन्द गरेपछि मुसाको बच्चा भएको थियो । वैज्ञानिकहरूका अनुसार उक्त नन हर्मोनल ड्रग ले पुरुषको शरीरमा प्रोटिनको सञ्चार बन्द गरिदिन्छ जसले शुक्रकिटलाई पनि रोक्न सक्छ ।
अनुसन्धानको नेतृत्व गरिरहेका प्रोफेसर गुण्डा जर्जले वाइसिटी ५२९ चक्की धेरै प्रभावकारी भएको बताएका छन् । वाइसिटी ५२९ ले रेटिनोइक एसिड रिसेप्टर अल्फालाई टार्गेट गर्छ ।
रेटिनोइक एसिड रिसेप्टर अल्फा एक प्रकारको प्रोटिन हो जसले शुक्रकिटको निर्माण गर्नुका साथै कोशिकाहरूको विकास गर्न मद्दत गर्छ । मुसामा उक्त औषधिको सेवनपछि शुक्रकिटको सङ्ख्यामा कमी आएको थियो ।
महिलाले प्रयोग गर्ने गर्भनिरोधक औषधिहरूले महिनामा एक पटक मात्र हुने ओभ्युलेसनलाई रोक्ने र गर्भ रहन नदिने काम गर्छ । तर, लाखौँको सङ्ख्यामा हुने शुक्रकिटको उत्पादन रोक्नका लागि पुरुषले गर्भनिरोधक औषधिको प्रयोग हरेक दिन गर्नुपर्ने हुन्छ ।
क्लिनिकल परीक्षण भएका औषधिहरूले पुरुषको टेस्टेस्ट्रोनलाई प्रभावित गर्ने गर्छ । उक्त औषधिले पुरुषमा सेक्स हर्मोनलाई ब्लक गर्छ । जसले स्वस्थकर स्पर्म सेलहरु निर्माण हुँदैनन् ।
डाक्टरले उक्त औषधिको सेवनले पुरुषमा तौल बढ्ने, डिप्रेशन, उच्च कोलेस्ट्रोल आदिको समस्या हुनसक्ने बताएका छन् । सन् २०२२ मा बिचमा वाइसिटी ५२९लाई मानिसमा परीक्षण गरिने बताइएको छ । यसअघि ब्रिटेनका पुरुषहरूमा गर्भनिरोधक चक्कीको परीक्षण गरिएको थियो ।
सन् १९५० देखि वैज्ञानिकहरूले पुरुषले प्रयोग गर्न मिल्ने गर्भनिरोधक चक्की, जेल र खोपको विकास गर्ने कोसिस गरिरहेका छन् । तर, अहिलेसम्म बजारसम्म आइपुग्ने अनुमति भने कुनै औषधिले पाएका छैनन् ।
