विभिन्न प्रकारका चियाहरूमध्ये ग्रीन टी स्वास्थ्यको लागि निकै फाइदाजनक मानिन्छ ।
आजभोलि ग्रीन टी पिउने चलन पनि निकै बढेको छ ।
ग्रीन टीमा जिरो क्यालोरी हुन्छ, जसले शरीरको अनावश्यक तौललाई कम गर्ने, कोलेस्ट्रोललाई नियन्त्रण गर्ने काम गर्छ ।
ग्रीन टीमा पाइने फ्लेवोनोइडले शरीरमा सुगरको मात्र कम गरी मुटु रोगबाट पनि छुट्कारा दिलाउन सक्छ ।
विभिन्न अध्ययनहरूले ग्रीन टीलाई बिहान पिउनुपर्ने बताउँदै आएका छन् ।
ग्रीन टीमा हुने थिनिन कोर्टिसोल जस्तो तनावसँग सम्बन्धित हर्मोनलाई कम गर्न सहयोग गर्छ ।
यो हर्मोनले शरीरबाट मस्तिष्कमा पुगेर तनाव बढी बनाउने तत्वलाई घटाइ राति राम्रो निद्रा पर्ने गर्छ ।
तर ग्रीन टी राति सुत्नुअघि पिउनु हुँदैन ।
धेरै फाइदाहरू गरे पनि सुत्नुअगाडि ग्रीन टी पिउनुका अत्यन्त धेरै बेफाइदाहरू छन् ।
राति ग्रीन टी पिउँदा मानिसहरूलाई निद्रा नलाग्ने समस्याले सताउन सक्छ ।
यसका कारण भोलिपल्ट दिन खराब हुनका साथै शरीर अल्छि र टाउको भारी हुने गर्छ ।
राति नियमित ग्रीन टीको सेवनले इन्सोम्निया जस्तो निन्द्राको समस्या निम्त्याएर तनाव बढाउनुका साथै डिप्रेसनको समस्या पनि हुन सक्छ ।
त्यसैले ग्रीन टीको फाइदा पाउनका लागि चिनी नराखी एउटा उचित समयमा मात्र पिउनुपर्छ ।
