एकअर्कालाई अबिर र रङ लगाइदिएर आज हिमाल र पहाडमा तथा भोलि तराईमा होली पर्व मनाइँदै छ ।
हर्ष–उल्लासले भरिएको चाड हो, होली । होली उत्साह, उमङ्ग र खुशीयालीका साथ रङ्गीन बनाउने पर्वमा पर्छ ।
होलीमा बालबच्चा, युवा, वृद्ध सबैले रङको माध्यमबाट खुसी साटेर मनाउँछन् ।
होलीको अवसरमा सरकारले सार्वजनिक बिदा दिएको छ ।
एकअर्कालाई अबिर र रङ लगाइदिएर आत्मीयता साटासाट गर्दै आज पहाडी र हिमाली जिल्लाहरुमा होली मनाइँदै छ भने भोलि तराई मधेसका जिल्लामा मनाइने छ ।
फागुन शुक्ल पूर्णिमाका दिन मनाइने फागु अर्थात् होली पर्व वसन्त ऋतुको आगमनसँगै आपसी मेलमिलाप र सद्भावनाको सन्देश लिई परम्परागत रूपमा विभिन्न रङसँग खेली मनाउने परम्परा छ ।
होली हिन्दूहरूको अत्यन्त प्राचीन पर्व हो । इतिहासकारहरू मान्छन् कि यस पर्वको प्रचलन आर्यहरूमा पनि थियो ।
यस पर्वको वर्णन अनेक पुरातन धार्मिक पुस्तकहरूमा पाइन्छ । नारद पुराण र भविष्य पुराण जस्तो प्राचीन हस्तलिपीहरू र ग्रन्थहरूमा पनि यस पर्वको उल्लेख छ ।
संस्कृतविद् जगमान गुरुङका अनुसार नेपालमा वडा दशैंलाई विजया दशमी, तिहारलाई दीपावली भन्ने चलन बढेको जस्तै फागुलाई पनि होली भन्ने शब्दको प्रयोग भएको हो ।
भारतमा र नेपालको मधेशमा होली र नेपालको पहाडमा फागु भन्ने प्रचलन छ ।
पहाडमा फागु अघिल्लो दिन र मधेसको होली भोलिपल्ट मनाउने चलन छ ।
किनभने नेपालको पहाड र नेपालको मण्डलमा फागुन शुक्ल पूर्णिमा ब्रतको दिनमा फागु खेलिन्छ ।
फागुन शुक्ल अष्टमीको दिनदेखि फागु सुरु हुन्छ ।
यस्तैमा, सेलिब्रेटीहरूले पनि होली मनाएका छन् ।
नायिका रेखा थापा, अनु शाह तथा गायन, खेल क्षेत्रका चर्चित हस्तीहरूले होली खेलेका छन् ।
यो पनि :
