हर्ष–उल्लासले भरिएको चाड हो, होली । होली उत्साह, उमङ्ग र खुशीयालीका साथ रङ्गीन बनाउने पर्वमा पर्छ ।
होलीमा बालबच्चा, युवा, वृद्ध सबैले रङको माध्यमबाट खुसी साटेर मनाउँछन् ।
तर रमाइलोको बहानामा धेरै जना होलीमा भाङलगायत नशाजन्य पदार्थको सेवन गर्छन् । भाङ एक प्रकारको मादक पदार्थ हो, जसलाई मानिसहरूले भगवान शिवको प्रसाद मान्ने गर्छन् ।
भाङ खाएपछि शरीरमा यसको असर तुरुन्त हुँदैन तर, केही समयपछि देखा पर्ने असर बिस्तारै बढ्दै जान्छ ।
होली चाड रङ र रमाइलोको चाड हो । तर परम्परागत भन्दै मानिसहरू होलीमा भाङको सेवन गर्ने गर्छन् ।
होलीको समयमा भाङलाई मिठाइ, आइसक्रिम तथा दूधमा राखेर अधिक प्रयोग गरिन्छ ।
गाम्जाका अन्य प्रकारका दुर्व्यसनीहरूभन्दा भाङ अलि फरक प्रकारको हुन्छ, जसले मुख्य रूपमा शरीरका प्रणालीलाई कमजोर बनाइरहेको हुन्छ ।
भाङ सेवन गर्नेबित्तिकै तुरुन्त लत लागिहाल्छ भन्ने हुँदैन । यसको प्रभाव भाङ खाएको दुईदेखि तीन घण्टाभित्र लाग्छ ।
तर जब भाङको नशा सुरु भएर बढ्न थाल्छ । त्यति खेर शरीरको नियन्त्रण दिमागमा अन्त भएर मानिसहरू या त निरन्तर हाँस्न वा रुन थाल्छन् ।
यदि भाङको सेवन थोरै मात्रामा गरिएको छ भने यसले धेरै असर गर्दैन र यसको असर लामो समयसम्म हुँदैन पनि ।
तर भाङको धेरै मात्रा पिउने मानिसहरूमा भाङले असर गर्न थालेपछि जुनसुकै काम गर्न थाल्छन्, ती कामहरू बारम्बार दोहोर्याएर गर्छन् ।
धेरैचोटी उनीहरूको दिमागले किन यस्तो गरिरहेको छु भन्ने सोच आए पनि शरीरले अझै पनि त्यो काम जारी नै राख्छ ।
भाङको सेवनपछि, मुख र जिब्रोको स्वाद कडा हुन्छ । त्यसपछि केही पनि खाएको कुराको टेस्ट महसुस गर्न सकिँदैन ।
प्रायः सुतिरहेको बेलामा ओछ्यानबाट माथि उडान गरेको जस्तो महशुस हुन्छ ।
यदि भाङको अत्यधिक सेवन गरेमा यसले दुईदेखि तीन दिनसम्म निरन्तर प्रभाव पार्न सक्छ ।
धेरैचोटी यसको प्रभाव हप्तासम्म पनि रहन्छ ।
अत्यधिक भाङगको सेवनले शरीर माथि नियन्त्रण गुमाउन सकिने हुँदा, त्यसपछिको अवस्था निकै गम्भीर भइ अस्पताल जानुपर्ने हुन सक्छ ।
होलीमा भाङ खाँदै हुनुहुन्छ भने, सावधान हुनुहोस् ।
यो पनि :
