डिप्रेसन भएका मानिसको मिर्गौलामा नकारात्मक असर पर्न सक्ने अध्ययनले देखिएको छ ।
चीनको दक्षिणी मेडिकल युनिभर्सिटीको अध्ययन अनुसार डिप्रेसनबाट ग्रस्त बएका मानिसमा मिर्गौलाले बिस्तारै काम गर्न रोक्न सक्छ ।
अनुसन्धानकर्ताहरूले डिप्रेसनबाट ग्रस्त भएका युवाहरूमा गरेको अध्ययनले मिर्गौलाको कार्य क्षमता घट्नेमा डिप्रेसन पनि जिम्मेवार रहेको पत्ता लगाएका हुन् ।
चिनियाँ अन्वेषकहरूले डिप्रेसन र मिर्गौला बीचको सम्बन्ध बुझ्नको लागि चार हजार सात सय ६३ जना मानिसमा अनुसन्धान गरेका थिए ।
अनुसन्धानमा समावेश गरिएका मध्ये ३९ प्रतिशत मानिसहरू अध्ययनको सुरुदेखि नै डिप्रेसनको सिकार थिए । चार बर्षसम्म निरन्तर स्वास्थ्य जाचँ गरेपछि ६ प्रतिशत सहभागीमा तीव्र रुपमा मिर्गौलाको कार्य क्षमता घटेको पाइयो ।
डिप्रेसन बाहेक अन्य विभिन्न दिर्घकालिन रोगले मिर्गौलामा असर गर्न सक्छ । साथै, दीर्घकालीन मिर्गौला रोगले मुटु रोग र किड्नी फेल हुने जोखिम बढाउँने अनुसन्धानकर्ता डा. किन बताउँछन् ।
