प्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओलीबीचको भेटवार्ता सपन्न भएको छ ।
बैठकमा नेकपा एमालेले आफ्नो पुरानै अडान प्रतिनिधिसभाभित्र प्रवेश गर्ने द्वार खोलिदिन माग दोहोर्याएको थियो ।
सरकारका प्रवक्ता तथा सञ्चार तथा सूचना प्रविधिमन्त्री ज्ञानेन्द्रबहादुर कार्कीका अनुसार भेटमा प्रधानमन्त्री देउवाले एमसिसी सबैको सहमतिमा अनुमोदन गर्न चाहेको बताए ।
प्रधानमन्त्रीले सबै दल ठुलो सङ्घर्षका प्राप्त लोकतन्त्रको यात्राका सहयात्री भएको र प्रजातान्त्रिक मूल्यमान्यतामा सबै एक ठाउँमा रहन जुरुरी छ भन्ने विचार राखे ।
साथै एमसिसी अधिकतम् सहमतिबाट पास गरेर राष्ट्रिय महत्त्वको विषयमा हामी एक छौं भन्ने प्रदर्शन गर्नुपर्ने बताएको मन्त्री कार्कीले जानकारी गराए ।
बैठकपछि पत्रकारहरूसँग कुरा गर्दै एमालेका नेता प्रदीप ज्ञवालीले आफूहरुले पूरानै माग संसदमा एमालेले सहज रूपमा उपस्थित हुने वातावरण बनाउन आग्रह गरेको र त्यसका लागि एमालेले निष्काशन गरेका १४ जनाको नाम टाँस गर्नुपर्ने अडान राखेको बताए ।
