सभामुख अग्निप्रसाद सापकोटाले प्रतिनिधिसभाको कार्यव्यवस्था परामर्श समितिको बैठक बोलाएका छन् ।
सभामुख सापकोटाले आज दिउँसो १ बजे बस्न लागेको प्रतिनिधिसभा बैठकको कार्यसूची तर्य गर्नका लागि बिहान साढे ११ बजे कार्यव्यवस्था परामर्श समितिको बैठक बोलाएका हुन् ।
कार्यव्यवस्था परामर्श समितिको बैठक सङ्घीय संसद् भवनको शंकर हलमा बस्ने भएको छ ।
हिजाे बसेको सत्तारुढ दल नेपाली काङ्ग्रेसको संसदीय दलको बैठकले एमसिसी सम्झौता संसदमा पेश गर्न सरकारलाई आग्रह गर्ने र एमसिसीको पक्षमा उभिने निर्णय गरेको छ ।
हिजाे सङ्घीय संसद् सचिवालयले सार्वजनिक गरेको प्रतिनिभिसभाको सम्भावित कार्यसूचीमा एमसिसी पनि राखिएको छ ।
सम्भावित कार्यसूचीमा प्रधानमन्त्री शेरबहादुर देउवाले थारु आयोगको तेस्रो प्रतिवेदन पेश गर्ने र विभिन्न तीन पूर्वसांसदहरुको निधनमा शोक प्रस्ताव पारित गर्ने उल्लेख छ ।
