नेकपा एमालेले प्रधानन्यायाधीश चोलेन्द्रशमशेर जबराविरुद्धको महाअभियोग प्रस्तावको प्रतिवाद गर्ने भएको छ ।
आइतबार साँझ बसेको एमाले सचिवालय बैठकले सत्ता गठबन्धनले दर्ता गरेको सो महाअभियोगको प्रतिवाद गर्ने निर्णय गरेको हो ।
सो महाअभियोग लोकतन्त्रमाथि प्रहार र गणतन्त्रमाथि कमजोर बनाउने षड्यन्त्र भएको निष्कर्ष निकाल्दै यस्तो प्रवृतिको प्रतिवाद गर्ने निर्णय गरेको बैठकपछि महासचिव शङ्कर पोखरेलले जानकारी दिए ।
उनले सचिवालयको निर्णयअनुसार सोमबार बस्ने संसदीय दलको बैठकमार्फत थप निर्णय गरेर संसदीय अभ्यासमार्फत प्रतिवाद गर्ने बताए ।
महासचिव पोखरेलले महाअभियोगको प्रतिवाद गर्ने र जनतालाई यसको विपक्षमा उभिन आग्रह गर्ने निर्णय गरेको जानकारी दिए ।
महासचिव पोखरेलले सोमबार बस्ने संसदीय दलको बैठकले महाअभियोगको प्रतिवाद गर्नका लागि आवश्यक निर्णय गर्ने समेत बताए ।
त्यस्तै एमालेले सोमबार संसदीय दलको बैठक समेत बोलाएको छ ।
आइतबार सत्ता गठबन्धनले प्रधानन्यायाधीश राणामाथि महाअभियोग प्रस्ताव दर्ता गरेको थियो ।
महाभियोग प्रस्तावको प्रस्तावकका नेकपा (माओवादी केन्द्र) का देवप्रसाद गुरुङ, नेपाली काङ्ग्रेसका पुष्पा भुसाल र नेकपा (एकीकृत समाजवादी) का जीवनराम श्रेष्ठ, समर्थकमा नेपाली काङ्ग्रेसका मिनेन्द्र रिजालसहित ९५ सांसद रहेका छन् ।
