प्रदेश १ सरकारले आज मौजुदा मन्त्रिपरिषद् विस्तार, हेरफेर तथा कार्य विभाजन गरेको छ ।
जसअनुसार सामाजिक विकास मन्त्रीमा राजन राई, पर्यटन तथा संस्कृति मन्त्रीमा खिनु लङवा लिम्बु, कृषिमा झलकबहादुर मगर, वन वातावरण तथा भू–संरक्षण मन्त्रीमा शेखरचन्द्र थापा नियुक्त भए ।
त्यसैगरी, भूमि व्यवस्था सहकारी तथा गरिबी निवारण मन्त्रीमा ओमप्रकाश सरावगी, उद्योग, श्रम तथा रोजगार मन्त्रीमा प्रताप प्रकाश हाङगाम तथा, यातायात व्यवस्था तथा सञ्चार मन्त्रीमा उपेन्द्र प्रसाद घिमिरे नियुक्त भए ।
नवनियुक्त मन्त्रीहरूलाई आजै प्रदेश का प्रदेश प्रमुख परशुराम खापुङले पद तथा गोपनीयताको शपथ गराए ।
प्रदेश न १ का मुख्यमन्त्री राजेन्द्रकुमार राईको सिफारिसमा प्रदेश प्रमुख खापुङले मन्त्रीमण्डल विस्तार गरी आजै शपथ ग्रहण गराए ।
मन्त्रिपरिषद् बिस्तारसँगै अब प्रदेश १ मा मन्त्रीहरूको सङ्ख्या १३ पुगेको छ । एक राज्यमन्त्रीसमेत गर्दा प्रदेश १ मा मन्त्रिपरिषद् सदस्यको सङ्ख्या १४ रहेको छ ।
