भारतकी चर्चित गायिका लता मङ्गेशकरको उमेरमा निधन भएको छ । अग्रज गायिका मङ्गेशकरको ९२ वर्षको उमेरमा शनिबार राति निधन भएको भारतीय सञ्चारमाध्यमहरूले जनाएका छन् ।
लता मङ्गेशकर करिब एक महिनादेखि बिरामी थिइन् । ८ जनवरीमा लता मङ्गेशकरलाई कोरोना सङ्क्रमण भएको थियो । त्यसयता उनलाई मुम्बईको ब्रीच क्र्यान्डी अस्पतालमा भर्ना गरिएको थियो ।
लतालाई पनि कोरोनासँगै निमोनिया भएको थियो । डाक्टरले उनलाई आइसीयूमा भर्ना गरेका थिए । त्यसयता जीवनका लागि निरन्तर सङ्घर्षमा थिइन् । उपचारका क्रममा उनलाई दुई दिनमात्र भेन्टिलेटरबाट हटाइएको थियो ।
आफ्नो जीवनकालमा मङ्गेशकरले ३६ भाषामा ३० हजारभन्दा बढी गीत गाएकी छन्। मंगेशकरले नेपाली भाषामा समेत गीत गाएकी छन्।
