सहिद स्मारक ‘ए’ डिभिजन लिगअन्तर्गत च्यासल युथ क्लब र नेपाल पुलिस क्लबबीचको पुनः स्थगित भएको छ ।
मैदानकाे अवस्था खराब भएका कारण शनिबार (भोलि) हुने तय भएको सो खेल पुनः स्थगित भएको अखिल नेपाल फुटबल सङ्घ (एन्फा)ले जनाएको छ ।
एन्फाका अनुसार मैदान भिजेकाे कारण भाेलि हुने खेललाई स्थगित गरिएकाे हाे ।
च्यासलका १९ खेलाडीमा कोरोना सङ्क्रमण भएपछि नवौँ राउन्डको सो खेल स्थगन भएको थियो ।
माघ २ गतेका लागि तय भएको उक्त खेल अन्तिम समयमा स्थगित भएको थियो । खेल शनिबार गर्ने तय भएको भए पनि पुनः सो खेल नहुने एन्फाले जनाएको छ ।
एन्फाले लिगको १०औँ राउन्डदेखिको नयाँ मिति भने सार्वजनिक गरेको छैन ।
लिगमा आठ खेल खेलेको पुलिस अहिले सात अङ्कसहित ११औँ स्थानमा छ । समान खेलबाट पाँच अङ्क बनाएको च्यासल १३औँ स्थानमा छ ।
लिगको शीर्ष स्थानमा रहेको मच्छिन्द्रको २३, दोस्रो स्थानमा रहेको मनाङ मर्स्याङ्दी क्लबको १९ र तेस्रो स्थानमा रहेको आर्मीको १७ अङ्क छ ।
च्यासलपछि अन्तिममा फ्रेन्ड्स क्लब छ । नौ खेलमा एउटै खेल जित्न नसकेको फ्रेन्ड्सको तीन अङ्क छ ।
सातौँ राउन्डसम्मको शीर्ष टोलीले एएफसी कप छनोट खेल खेल्न पाउने एन्फाले राखेको प्रावधानअनुसार मच्छिन्द्र एएफसी कपका लागि छनोट भइसकेको छ ।
