बर्जु प्रकरण : घरजग्गा धरौटीमा राखेर आयोजकले दियो खेसरीलाललाई क्षतिपूर्ति

शब्द एक्स्प्रेस संवाददाता
मङ्गलबार १८ माघ, २०७८
२ वर्षअघि
दर्शकको भीडले सुनसरीको बर्जु महोत्सव स्थलमा तोडफोड र आगजनी गरेका छन् ।

सुनसरीको बर्जु गाउँपालिकामामा माघ ४ गते भएको बर्जु महोत्सव प्रकरणमा आयोजक समितिले आफ्नो घरजग्गा धराैटीमा राखेर क्षतिपूर्ति बेहोरेको छ ।

छानबिन समितिले १० माघमा आयोजक कमिटीले नै क्षतिपूर्ति बेहोर्नुपर्ने निष्कर्ष निकालेको थियो ।

त्यसपछि आयोजक समितिका ६ जनाले आफ्नो घरजग्गा धरौटीमा राखेर क्षतिपूर्ति बेहोरेका छन् ।

आयोजक बर्जु सामुदायिक विकास केन्द्र कार्यक्रम आयोजक कमिटीका अध्यक्ष श्रवणकुमार चौधरीले करिब ५८ लाख क्षतिपूर्ति बेहोरेको जानकारी दिए ।

टिकट बेचेको १२ लाख जति आक्रोशित भिडले लुटेर लगेपछि घरजग्गा धरौटीमा राखेर तथा ऋण लिएर क्षतिपूर्ति तिर्नु परेको चौधरीको भनाइ छ ।

‘एक जनाको भागमा नौ लाख ६६ हजार पर्दो रहेछ,’ चौधरीले शब्द एक्सप्रेससँग भने, ‘घरजग्गा धरौटीमा राखेर र किस्ताबाट रकम निकालेर तिरेका छौँ ।’

उनीहरूले भोजपुरी कलाकार खेसरीलाल यादवलाई ३६ लाख रुपैयाँ तिरेका छन् ।

अघिल्लोपटक बुझाएको १८ लाखमै जोडेर ३६ लाख रुपैयाँ क्षतिपूर्ति बुझाएको अध्यक्ष चौधरीले जानकारी दिए ।

खेसरीलाललाई ३६ लाख, उनीसँग आएका कलाकारलाई पाँच लाख, साउन्ड सिस्टमलाई १५ लाख, कुर्सी र टेन्टवालालाई डेढ लाख रुपैयाँ दिएको हो ।

कुर्सी र टेन्टवालालाई ६ लाख रुपैयाँ दिनुपर्नेमध्ये डेढ लाख दिइएको अध्यक्ष चौधरीको भनाइ छ ।

उनका अनुसार टिकटको अर्धकट्टी बोकेर आएमा उनीहरूले पनि क्षतिपूर्ति पाउने छन् ।

आयोजकले सरकार र प्रशासनको उर्दी लतार्दै महोत्सवको अन्तिम दिन कार्यक्रम गर्न खोज्दा अप्रिय घटना घटेको थियो ।

आयोजकले खेसरीलाललाई विराटनगर ल्याएर महोत्सवको टिकट बेचेको थियो ।

तर खेसरीलाल महोत्सवस्थल नआएको भन्दै आक्रोशित भिडले कलाकारको टिमको चारवटा गाडी जलाएको थियो ।

यस्तै, साउन्डसिस्टस र कुर्सी तोडफोड गर्दा करिब चार करोडको क्षति भएको अनुमान गरिएको थियो ।

माघ ४ गते हुने बृहत्त् कार्यक्रम रोक्न प्रहरीले मुख्य आकर्षक खेसरीलाललाई महोत्सवस्थल पुग्न दिएको थिएन ।

जसकारण तीन सय दरको टिकट काटेर भुँइमा बसेका र पाँच सय दरका टिकट काटेर कुर्सीमा बसेका दर्शक आगजनी र तोडफोडमा उत्रिएका थिए ।

जसका कारण खेसरीलालको टिमका चारवटा स्कारपियो गाडी जलेको थियो ।

दुईवटा ‘भिआइपी’ गाडीहरू भने खेसरीलाल बसेको विराटनगरस्थित होटल एसिया–टिकमा सुरक्षित रहेका थिए ।

 

प्रकाशित समय: मङ्गलबार १८ माघ, २०७८, २२:००:५२

सम्बन्धित खबर

संसदको गति अवरोध चाँडै अन्त्य हुन्छ : प्रधानमन्त्री प्रचण्ड

बिहिबार २९ चैत, २०८०
२ दिनअघि

हेरिटेज इन्टरनेसनल स्कुलको दीक्षान्त समारोह : केजीबाट एक कक्षामा पुगेका विद्यार्थी दीक्षित

बिहिबार २९ चैत, २०८०
२ दिनअघि

रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक

बुधबार २८ चैत, २०८०
३ दिनअघि

भेडेटारमा सब्जी बोक्ने मिनी ट्रकमा भेटियो पाँच सय ४४ किलो गाँजा, चालक फरार

सोमबार २६ चैत, २०८०
५ दिनअघि

विराटनगरको शिक्षादीपमा इथिकल ह्याकिङ सम्बन्धी ३ दिने कार्यशाला सुरु

आईतबार २५ चैत, २०८०
६ दिनअघि

कोशी प्रदेशका विद्यार्थीले यसपटक समयमै पुस्तक पाउने

आईतबार २५ चैत, २०८०
६ दिनअघि
अन्तरप्रदेश खेलकुद : स्विमिङमा कोशीलाई १९ पदक
शुक्रबार ३० चैत, २०८०
अन्तरप्रदेश खेलकुद : भलिबलमा कोशीलाई रजत, गण्डकीलाई स्वर्ण
शुक्रबार ३० चैत, २०८०
संसदको गति अवरोध चाँडै अन्त्य हुन्छ : प्रधानमन्त्री प्रचण्ड
बिहिबार २९ चैत, २०८०
अन्तरप्रदेश खेलकुद : पुरुष भलिबलमा कोशी स्वर्णनजिक
बिहिबार २९ चैत, २०८०
हेरिटेज इन्टरनेसनल स्कुलको दीक्षान्त समारोह : केजीबाट एक कक्षामा पुगेका विद्यार्थी दीक्षित
बिहिबार २९ चैत, २०८०
महिला फुटबलमा पनि स्वर्णनजिक कोशी
बुधबार २८ चैत, २०८०
अन्तर प्रदेश खेलकुद : पुरुष फुटबलमा स्वर्णनजिक कोशी
बुधबार २८ चैत, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
अन्तरप्रदेश खेलकुद : कोशीको पोल्टामा ५६ पदक
मङ्गलबार २७ चैत, २०८०
अन्तरप्रदेश खेलकुद : मैदानको कन्तबिजोग, फितलो व्यवस्थापनले खेलाडीलाई सास्ती
मङ्गलबार २७ चैत, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
बुबाको मृत्युपछि आमाको गर्जो धान्दै थिइन् सम्झना, सडक दुर्घटनामा गयो उनकै ज्यान
बिहिबार १७ फाल्गुण, २०८०