प्रदेश १ मा पछिल्लो २४ घण्टामा एक हजार चार सय सात जनामा कोरोना सङ्क्रमण पुष्टि भएको छ ।
सामाजिक विकास मन्त्रालयअनुसार एक हजार एक सय ४३ जनाको पिसिआर परीक्षण गर्दा ६ सय ३९ र एक हजार पाँच सय ६२ जनाको एन्टिजेन परीक्षण गर्दा सात सय ६८ जनामा सङ्क्रमण पुष्टि भएको हो ।
प्रदेश १ मा हिजोको दिन एक हजार १६ जनामा कोरोना सङ्क्रमण पुष्टि भएको थियो ।
सबैभन्दा धेरै सङ्क्रमित मोरङ, झापा र सुनसरीमा थपिएका हुन् । मोरङमा दुई सय ९९, झापामा एक सय ५६, सुनसरीमा एक सय २० जनामा कोरोना सङ्क्रमण भएको मन्त्रालयले जनाएको छ ।
त्यस्तै धनकुटामा ११, इलाम र उदयपुरमा ६-६, तेह्रथुममा तीन, पाँचथरमा दुई, संखुवासभामा एक र प्रदेश १ बाहिरका ३५ जनामा कोरोना सङ्क्रमण देखिएको हो ।
पछिल्लो २४ घण्टामा सङ्क्रमणबाट तीन पुरुषको मृत्यु भएको छ । सोहि अवधीमा दुई सय ७२ जना सङ्क्रमणमुक्त भएका छन् ।
सङ्क्रमणमुक्त हुनेमा एक सय २३ महिला र एक सय ४९ पुरुष रहेका छन् । त्यस्तै, देशमा सक्रिय सङ्क्रमितको सङ्ख्या सात हजार एक सय ८५ रहेको मन्त्रालयले जनाएको छ ।
