प्रदेश १ मा विगत २४ घण्टामा एक हजार एक सय ३५ जनामा कोरोना (कोभिड-१९) सङ्क्रमण देखिएको छ ।
सामाजिक विकास मन्त्रालयले जनाएअनुसार पछिल्लो २४ घण्टामा पिसिआर परीक्षणबाट सात सय ७२ र एन्टिजेन परीक्षणबाट तीन सय ६३ जनामा सङ्क्रमण पुष्टि भएको हो ।
प्रदेश १ को मोरङ, सुनसरी र झापामा सङ्क्रमितको सङ्ख्या धेरै रहेको छ । मोरङमा तीन सय १६, सुनसरीमा दुई सय ५७, झापामा एक सय ४२ जनामा सङ्क्रमण देखिएको छ ।
त्यस्तै, धनकुटामा पाँच, उदयपुरमा चार, सङ्खुवासभामा तीन, इलाम र भोजपुरमा दुई-दुई, पाँचथर, तेहृथुम र खोटाङमा एक-एक र प्रदेश १ बाहिरका ३८ जनामा कोरोना सङ्क्रमण देखिएको मन्त्रालयले जनाएको छ ।
सोही अवधिमा तीन जनाको मृत्यु भएको छ । प्रदेश १ मा ८० जना कोरोना सङ्क्रमणमुक्त भएसँगै सक्रिय सङ्क्रमितको सङ्ख्या पाँच हजार दुई सय चार पुगेको छ ।
