FILE PHOTO: A woman holds a small bottle labelled with a "Coronavirus COVID-19 Vaccine" sticker and a medical syringe in this illustration taken October 30, 2020. REUTERS/Dado Ruvic/File Photo अब कोभिड-१९ विरुद्धको पहिलो डोज खोप लगाउने नागरिकले चिनियाँ खोप भेरोसेल नपाउने भएका छन् ।
कोभिड-१९ विरुद्धको बुस्टर डोज दिन थालेपछि भेरोसेलको मौज्दात कम हुँदै गएकाले अब पहिलो डोज खोप लगाउनेले भेरोसेल खोप लगाउन नपाउने जनाएको हो ।
स्वास्थ्य सेवा विभागको बुधबारको निर्णयानुसार पहिलो खोप लगाउनेहरूलाई कोभिसिल्ड/ एस्ट्राजेनिका खोप मात्रै दिइने छ ।
विभागको परिवार कल्याण महाशाखाले सात वटै प्रदेशका स्वास्थ्य निर्देशनालय तथा स्वास्थ्य आपूर्ति व्यवस्थापन केन्द्र र ७७ वटै जिल्लाका स्वास्थ्य कार्यालयलाई पहिलो डोज खोप लगाउन आउने सबै नागरिकलाई कोभिसिल्ड/एस्ट्राजेनिका खोप लगाउने व्यवस्था मिलाउन भनेर निर्देशन जारी गरको छ ।
