तत्काल लकडाउन गर्ने पक्षमा नरहेको स्वास्थ्य तथा जनसङ्ख्या मन्त्रालयले स्पष्ट पारेको छ ।
मन्त्रालयका सचिव डाक्टर रोशन पोखरेलले प्रतिनिधिसभा, शिक्षा तथा स्वास्थ्य समितिको मङ्गलबार बसेको बैठकमा मन्त्रालय बन्दाबन्दीको विरुद्धमा रहेको बताएका हुन् ।
‘देशमा बल्लबल्ल अलिअलि उकालो लागेको अर्थतन्त्र फेरि नबिग्रियोस् भन्नेमा मन्त्रालय प्रष्ट छ’, उनले भने । डा. पोखरेलका अनुसार कतिपय क्षेत्र बन्द गर्नुपरेमा दुईतीन हप्ता बन्द गरेर पुनः सञ्चालन गर्न सकिन्छ ।
