प्रदेश १ मा पछिल्लो २४ घण्टामा एक हजार ७१ जनामा कोभिड १९ पुष्टि भएको छ ।
पिसिआर परीक्षणबाट नौ सय २१ र एन्टिजेन परीक्षणबाट एक सय ५० जनामा सङ्क्रमण पुष्टि भएको सामाजिक विकास मन्त्रालयले जनाएको छ ।
प्रदेश १ मा सबैभन्दा बढी सङ्क्रमित मोरङ, सुनसरी र झापामा रहेका छन् । पिसिआर परीक्षणका आधारमा मोरङमा चार सय ४८, सुनसरीमा दुई सय ८६, झापामा एक सय २६ मा सङ्क्रमण देखिएको मन्त्रालयले जनाएको हो ।
पछिल्लो २४ घण्टामा तीन जनाको मृत्यु र ३२ जना कोरोना सङ्क्रमणमुक्त भएसँगै सक्रिय सङ्क्रमितको सङ्ख्या तीन हजार ६७ पुगेको छ ।
