सरकारले पिसिआर परीक्षणको शुल्क घटाउने तयारी गरेको छ ।
देशभर कोरोना भाइरसको सङ्क्रमण बढेसँगै पिसिआर परीक्षणको शुल्क घटाउनका लागि सरकारले स्वास्थ्य मन्त्रालयका प्रमुख विशेषज्ञ डा गुणराज लोहनीको संयोजकत्वमा समिति गठन गरेको छ ।
समितिमा राष्ट्रिय जन स्वास्थ्य प्रयोगशालाकी निर्देशक डाक्टर रुना झासहित निजी प्रयोगशालाका प्रतिनिधि पनि छन् ।
स्वास्थ्य तथा जनसङ्ख्या मन्त्रालयले सरकारी अस्पतालमा पिसिआर परीक्षण शुल्क दुई हजार रुपैयाँबाट घटाएर एक हजार बनाएको छ ।
तर निजी क्षेत्रमा भने पिसिआर शुल्कमा एक रूपता नभएकाले १५ सयदेखि दुई हजारसम्म लिने गरेका छन् । सरकारले निजी क्षेत्रमा पनि एक हजारमै पिसिआर गर्ने व्यवस्था गर्न तयारी थालेको छ।
