२ नम्बर प्रदेशसभा बैठकका क्रममा सांसदले पोडियममा बोल्दाबोल्दै फोन उठाएका छन् ।
आइतबार बसेको प्रदेशसभा बैठकमा नेकपा (माओवादी केन्द्र)का सांसद रामकुमार यादवले पोडियममा बोलिरहेको बेला फोन उठाएर कुराकानी गरेका हुन् ।
प्रदेश २ प्रदेशसभाले जारी गरेको प्रदेशसभा कार्य सञ्चालन नियमावली, २०७५ काे दफा १९ मा प्रदेशसभा सदस्यहरूले बैठकमा ११ वटा नियमहरूको पालना गर्नुपर्ने उल्लेख छ । जसमा दफा १९ को (झ) मा बैठक कक्षमा मोबाइल फोन र अन्य हलुका विद्युतीय उपकरण प्रयोग गर्न नहुने उल्लेख छ ।
तर सांसद यादवले भने पोडियममा बोल्दाबोल्दै रोकिएर मोबाइल फोन नै उठाएर कुरा गरेका हुन् । नाम र स्थायी राजधानीको विषयमा आफ्ना धारणा राख्ने क्रममा उनको फोन आएको थियो । बोल्दाबोल्दै फोन उठाएका उनले ‘ए भाइ!’ भन्दै फेरि फोन काटेका थिए ।
