सबै प्रकारका आमसभा, जुलुस, सभा, भेला वा धेरै मानिस भेला हुने कार्यक्रम माघ मसान्तसम्म सञ्चालन नगर्न नपाइने भएको छ ।
आइतबार बसेको मन्त्रिपरिषद् बैठकले ओमिक्रोनसहितको सङ्क्रमण नेपालमा समेत बढ्दै गएको सन्दर्भमा गोष्ठी, सेमिनार, समीक्षा, बैठकजस्ता क्रियाकलापहरू सञ्चालन गर्नुपरेमा भर्चुवल माध्यमबाट गर्नुपर्ने जनाएको हो ।
बैठकको निर्णयअनुसार भौतिक रूपमा उपस्थित भई गर्नुपर्ने भएमा जनस्वास्थ्यका मापदण्ड पालना गर्नुपर्ने हुन्छ ।
साथै एन्टिजेन परीक्षण गरी रिपोर्ट नेगेटिभ आएका बढीमा पच्चीस जना मात्र सहभागी रहने गरी यस्ता कार्यक्रम सञ्चालन गर्न सकिने जनाइएको छ ।
यसबाहेक माघ ७ गतेपछि त्यस्तो कार्यक्रम सञ्चालन गर्दा खोपको पूरा मात्रा लगाएका व्यक्तिहरू मात्र उपस्थित हुने गरी व्यवस्था मिलाउनुपर्ने बैठकले निर्णय गरेको हो ।
