कोरोना भाइरसको सङ्क्रमण बढेसँगै नेपालमा रहेका सिनेमा हलहरू पुनः बन्द हुने भएका छन् ।
आइतबार बसेको मन्त्रिपरिषद् बैठकले कोरोनालाई मध्यनजर गर्दै सिनेमा हल माघ १५ गते सम्मका लागि बन्द गर्ने निर्णय गरेको हो । कोरोनाका कारण यस अघि पनि सिनेमा हलहरू दुई पटक बन्द भइसकेका छन् ।
पहिलो चरणको महामारीमा करिब ९ महिना र दोस्रो पटक करिब पाँच महिना बन्द भएपछि दसैँबाट सिनेमा हलहरू सञ्चालनमा आएका थिए ।
सिनेमा हलसहित डान्स बार, दोहोरी, नाचघर, क्लब, हेल्थ क्लब, जिमखाना, स्विमिङ पुल, फुटसल, पटके हाटबजार र मानिसहरूको भिडभाड हुने अन्य सबै प्रकारका कार्यक्रम माघ १५ गतेसम्म सञ्चालन नगर्न नेपाल सरकारले निर्देशन दिएकाे छ ।
