‘छक्का पञ्जा’ युट्युबमा सर्वाधिक हेरिने नेपाली फिल्म बनेको छ ।
फिल्मलाई हाइलाइट्स नेपालबाट एक करोड ९३ लाख र हाइलाइट्स नेपाल मूभिजबाट एक करोड १० लाखभन्दा बढी पटक हेरिएको छ । युट्युबमा दुई वटा च्यानलबाट रिलिज गरिएको फिल्मलाई तीन करोडभन्दा बढी पटक हेरिएसँगै यो युट्युबमा सर्वाधिक हेरिने फिल्म बनेको हो ।
दिपाश्री निरौलाको निर्देशन रहेको फिल्ममा दीपक राज गिरी, प्रियंका कार्की, जितु नेपाल, केदार घिमिरे, बुद्धि तामाङ, शिवहरी पौडेल, वर्षा राउत, किरण के.सी लगायतको मुख्य भुमिका रहेको छ ।
यस अघि युट्युबमा धेरै हेरिने फिल्म ‘प्रेम गीत ’ थियो । ‘प्रेम-गीत’लाई आजसम्म दुई करोड ६२ लाख पटक हेरिएको छ ।
‘प्रेम-गीत’लाई पनि उछिन्दै ‘छक्का पञ्जा’ ले धेरै हेरिने फिल्मको स्थान लिएको हो ।
