पाठेघर क्यान्सरविरुद्धको खोपलाई नियमित कार्यक्रमअन्तर्गत राखेर सञ्चालन गरिनुपर्ने माग उठेको छ ।गाइनोकोलोजिकल अंकोलोजी सोसाइटी अफ नेपाल(गोसोन )ले सरकारले पीभीसी खोपलाई नियमित कार्यक्रमअन्तर्गत राखेर सञ्चालन गर्नुपर्ने माग गरेको हो ।
नेपालमा महिलामा हुने क्यान्सरमध्ये सबभन्दा धेरै देखिने पाठेघरकै मुखको क्यान्सर हो । अन्य क्यान्सरलाई रोक्न गाह्रो भएपनि बालिकाहरूलाई समयमै खोप दिँदा पाठेघरको क्यान्सर रोक्न सकिने गोसोनकी अध्यक्ष वरिष्ठ स्त्री क्यान्सर रोग विशेषज्ञ डाक्टर शिला बर्मा बताउँछिन् ।
विभिन्न अध्ययनहरूमा पिभिसी खोपले पाठेघरको क्यान्सरलाई ८० प्रतिशतसम्म रोक्न सकिने देखाएको छ । त्यसैले पाठेघर क्यान्सरविरूद्धको पिभिसी खोप सरकारको नियमित खोप कार्यक्रममा समावेश हुनुपर्ने उनको भनाइ छ ।
