पहिला खोक्दा वा हाँच्छ्युँ गर्दा शरीरबाट निस्केका ड्रपलेट (थुकका छिटा) बाट कोरोना भाइरसको सङ्क्रमण फैलिने बताइन्छ ।
तर कोरोना भाइरसको नयाँ भेरिएन्ट ओमिक्रोनको सङ्क्रमण सङ्क्रमितको सासबाट समेत फैलिने जनाइएको छ ।
पहिलाका कोरोनाका भेरिएन्टहरूभन्दा अत्यधिक सङ्क्रामक रहेको ओमिक्रोन सङ्क्रमितको सासबाट समेत फेलिन सक्ने न्यु यान्ड इमर्जिङ रेस्पिरेटरी भाइरस थ्रेट्स एड्भाइजरी ग्रुपका प्राध्यापक पिटर ओपेनशा बताउँछन् ।
उत्परिवर्तित भएको भाइरस अत्यधिक सङ्क्रामक भएको कारण सङ्क्रमित व्यक्तिको सासले पनि सङ्क्रमण फैलिन सक्ने उनको भनाइ छ ।
जसकारण जो कोही पनि सजिलै भाइरसको सिकार हुन सक्ने हुँदा मानिसहरू थप सतर्क हुनुपर्ने उनको भनाइ छ ।
अत्यधिक सङ्क्रामक भएपनि ओमिक्रोन सङ्क्रमितमा हल्का लक्षणहरूमात्र देखिने बताइएको छ ।
ओमिक्रोनबाट सङ्क्रमित भइ अस्पताल भर्ना हुने जोखिम अन्य भेरिएन्टको तुलनामा ५० देखि ७० प्रतिशत कम हुने एक रिपोर्टले देखाएको छ ।
