राति सुत्दा टाउकोको नजिकै वा सिरानी छेउमा मोबाइल राखेर सुत्ने बानी छ ? यस्तो बानी छ भने आजै त्यागिदिनुस् । यस्तो बानीले क्यान्सरको जोखिम बढ्ने एक अध्ययनले देखाएको छ ।
मोबाइल सिरानीको छेउ राखेर सुत्दा मष्तिष्कको क्यान्सर हुने क्यालिफोर्निया जनस्वास्थ्य विभागले जनाएको छ । मोबाइल फोनबाट निस्किने इलेक्ट्रोम्याग्नेटिक विकिरणले मष्तिष्कको क्यान्सर तथा कान र टाउकोबीचमा हुने स्नायु वा थुक ग्रन्थीमा ट्युमर निम्त्याउँन सक्छ ।
त्यसैले चिकित्सकहरू सिरानी छेउ वा ओछ्यान नजिकै मोबाइल राखेर नसुत्न सुझाउँछन् । बरु फोन अफ गरेर वा एयरप्लेन मोडमा राखेर सुत्न सकिन्छ । अन नै गरेर सुत्दा फोन केही फिट पर राखेर सुत्न सकिने चिकित्सक बताउँछन् ।
क्यान्सरको जोखिम घटाउन मानिसहरूले फोनलाई गोजीमा भन्दा पनि ब्याग वा पर्समा बोक्न सुझाइएको छ । फोनमा टावर नभएमा (केवल एक वा दुईबाट सिग्नलको बार देखिएमा) पनि फोन नचलाउन क्यालिफोर्निया जनस्वास्थ्य विभागले जनाएको छ ।
सिग्नल कमजोर हुँदा फोनले थप धेरै रेडियो फ्रिक्वेन्सी उर्जा पठाउने हुन्छ । फोनको प्रयोगले क्यान्सरको विकासमा कुनै भूमिका खेल्छ कि भनेर विभिन्न अनुसन्धान भइरहेको छ ।
