नेपाल कम्युनिस्ट पार्टी (एकीकृत समाजवादी)का अध्यक्ष माधवकुमार नेपालले आफ्नो पार्टी कम्युनिस्ट आन्दोलनको मूलधार नै भएको दाबी गरेका छन् । शुक्रबार नेकपा (एस) र राष्ट्रिय जागरण परिषद् नेपालको एकता घोषणा कार्यक्रममा अध्यक्ष नेपालले यस्तो दाबी गरेका हुन् ।
मुलुकमा कम्युनिस्ट पार्टीसंस्थागत गर्ने क्रममा आफूले २०३२ मा कोर्डिनेशन केन्द्र, २०३५ मा माले, २०४७ मा एमाले र अहिले एकीकृत समाजवादी गठन गर्दासम्म संस्थापन भूमिका निर्वाह गरेको उनले बताए ।
पुष्पलालको नेतृत्वमा कम्युनिस्ट पार्टी स्थापना भएपछि जनाधिकारका लागि लामो सङ्घर्षपूर्ण यात्रा भएको स्मरण गर्दै उनले मुलुकको राष्ट्रिय स्वाधीनतालाई माथि उठाउन तथा लोकतान्त्रिक मूल्य मान्यतालाई रक्षा गर्न आफूले महत्वपूर्ण जिम्मेवारी निर्वाह गरेको बताउ ।
