नेपाली कांग्रेसका सभापति गगनकुमार थापाले बूढीगण्डकी नदीमा आएको बाढीबाट प्रभावित नागरिकको उद्धार तथा राहत कार्यमा सक्रिय हुन पार्टीका नेता र कार्यकर्तालाई आग्रह गरेका छन्।
गोरखाको चुमनुब्री क्षेत्रमा बाढीले ठूलो क्षति पुर्याएको तथा न्याक्चेत–फिलिम र धादिङ–गोरखा जोड्ने पुलसमेत बगाएको खबरले आफू दुःखी भएको थापाले बताएका छन्।
उनले बूढीगण्डकीदेखि त्रिशूली नदी किनारसम्मका तटीय क्षेत्रमा बसोबास गर्ने नागरिकलाई उच्च सतर्कता अपनाउन, सुरक्षित स्थानमा बस्न र स्थानीय प्रशासनको निर्देशन पालना गर्न अनुरोध गरेका छन्।
विपद्का बेला प्रभावित नागरिकलाई आवश्यक सहयोग उपलब्ध गराउन पार्टीका सम्पूर्ण नेता तथा कार्यकर्तालाई सक्रियतापूर्वक खटिन पनि थापाले अपिल गरेका छन्।
