विराटनगर । नेकपा एमालेका अध्यक्ष केपी शर्मा ओलीले पूर्वराष्ट्रपति विद्यादेवी भण्डारीलाई पार्टीको वरिष्ठ नेता बनाउन प्रस्ताव गरेका छन्।
चार दिनदेखि जारी एमाले केन्द्रीय कमिटी बैठकमा अध्यक्ष ओलीले भण्डारीलाई वरिष्ठ नेताका रूपमा प्रस्ताव गरेका हुन्।
भण्डारी एमालेकी पूर्वउपाध्यक्षसमेत हुन्। उनी २०७२ सालमा पहिलोपटक र २०७४ सालमा दोस्रोपटक राष्ट्रपतिमा निर्वाचित भएकी थिइन्। राष्ट्रपति पदमा रहँदा उनले पार्टीको सक्रिय जिम्मेवारीबाट अलग रहेकी थिइन्।
राष्ट्रपति पदबाट अवकाश पाएपछि भण्डारीको एमालेमा सक्रिय राजनीतिमा पुनरागमनबारे चर्चा हुँदै आएको थियो। त्यसैक्रममा अध्यक्ष ओलीले उनलाई वरिष्ठ नेताको जिम्मेवारी दिने प्रस्ताव बैठकमा राखेका हुन्।
