केरुङ पहिरोमा ज्यान गुमाउने र बेपत्ताको सम्झनामा चीनमा शोक सभा

काठमाडौँ । चीनको दक्षिण–पश्चिम सिजाङ (तिब्बत) स्वायत्त क्षेत्रस्थित केरुङमा गएको विनाशकारी पहिरोमा परी ज्यान गुमाउने तथा बेपत्ता भएकाहरूको स्मृतिमा मंगलबार बिहान विशेष शोक सभा आयोजना गरिएको छ।

भदौ १० गते आएको लेदोसहितको भीषण पहिरोका कारण केरुङ तथा आसपासका क्षेत्रमा ठूलो मानवीय र भौतिक क्षति भएको थियो। घटनामा प्रभावित बनेकाहरूको खोजी, उद्धार तथा राहत वितरणको काम अहिले पनि जारी रहेको छ।

चिनियाँ समाचार एजेन्सी सिन्ह्वाका अनुसार स्थानीय अधिकारी तथा सर्वसाधारणको उपस्थितिमा आयोजित शोक सभामा विपद्मा ज्यान गुमाउनेहरूप्रति भावपूर्ण श्रद्धाञ्जली अर्पण गरिएको थियो।

केरुङ नाका तथा आसपासका प्रभावित क्षेत्रमा बेपत्ता नागरिकहरूको खोजी तथा उद्धार कार्य निरन्तर चलिरहेको छ। खोजी तथा राहतको काम भइरहेका बेला विपद्मा ज्यान गुमाउनेहरूको सम्झनामा स्थानीय स्तरमा शोक सभा आयोजना गरिएको हो।