विराटनगर । नेपाली कांग्रेसको संस्थापन इतर समूहले आगामी साउन २९ देखि ३१ गतेसम्म काठमाडौंमा आयोजना गर्न लागेको राष्ट्रिय भेलामा पार्टीका ७ प्रदेश, ७७ जिल्ला र १६५ प्रतिनिधिसभा क्षेत्रका सभापतिलाई सहभागी हुन निम्तो दिएको छ।
भेलामा सहभागी हुन प्रदेश सभापति, जिल्ला सभापति तथा प्रतिनिधिसभा क्षेत्रीय समितिका सभापतिहरूलाई पत्र पठाइएको हो।
भेलाका प्रचार–प्रसार उपसमिति संयोजक मीन विश्वकर्माका अनुसार पार्टीको आन्तरिक सुदृढीकरणसँगै समसामयिक राजनीतिक विषयमा छलफल गर्न राष्ट्रिय भेला आयोजना गर्न लागिएको हो।
