विराटनगर । सगरमाथाको उत्तरी मोहडामा करिब ३० वर्षदेखि हिउँमा जमेर रहेको ‘ग्रीन बुट्स’ भनेर चिनिने शवलाई अब उद्धार गरी घर फर्काउने तयारी गरिएको छ ।
सन् १९९६ मा सगरमाथा आरोहणका क्रममा ज्यान गुमाएका भारतीय पर्वतारोही दोर्जे मोरुपको शव भएको निष्कर्षपछि उद्धारको तयारी थालिएको हो।
करिब ८ हजार ५०० मिटर उचाइमा रहेको उक्त शव हरियो पर्वतारोहण जुत्ताका कारण ‘ग्रीन बुट्स’ नामले चिनिँदै आएको थियो।
लामो समयसम्म शवलाई तेसेवाङ पाल्जोरको मानिँदै आए पनि अन्तिम रेडियो सम्पर्क, आरोहण सामग्री र अन्य प्रमाणका आधारमा भारतीय अधिकारीहरूले मोरुपकै शव भएको निष्कर्ष निकालेका हुन्।
मोरुपसहित १९९६ को हिमआँधीमा तीन भारतीय आरोहीको मृत्यु भएको थियो।
