विराटनगर । म्याग्दीको अन्नपूर्ण गाउँपालिकाले कीर्तिमानी पर्वतारोही निर्मल पुर्जा ‘निम्स दाइ’को असामयिक निधनप्रति गहिरो दुःख व्यक्त गर्दै सोमबार सार्वजनिक शोक बिदा दिने निर्णय गरेको छ।
गाउँपालिका अध्यक्ष भरतकुमार पुनले जारी गरेको विज्ञप्तिअनुसार दिवंगत पर्वतारोही पुर्जाप्रति सम्मान प्रकट गर्न गाउँपालिका मातहतका सम्पूर्ण सरकारी कार्यालय, वडा कार्यालयहरू तथा शैक्षिक संस्थाहरूमा शोक बिदा दिइने भएको हो।
अन्नपूर्ण गाउँपालिका–३, दानाका स्थायी बासिन्दा पुर्जाको पाकिस्तानस्थित ब्रोड पिक हिमाल आरोहणका क्रममा हिमपहिरोमा परी निधन भएको थियो। उक्त घटनामा उनीसहित ६ जना नेपाली पर्वतारोहीले ज्यान गुमाएका छन् ।
‘निम्स दाइ’का नामले विश्वभर परिचित निर्मल पुर्जाले विश्वका ८ हजार मिटरभन्दा अग्ला १४ वटा हिमालहरू छोटो समयमा आरोहण गरेर विश्वकीर्तिमान कायम गरेका थिए।
